Billboard 200 : Taylor Swift bawk a chungnung leh

Billboard 200 album chart-ah, Taylor Swift bawk a chungnung leh a, a album '1989 (Taylor's Version)' hmangin ro a rel.

Taylor Swift hian album chart top 10-ah a album panga zet a lanpui thei a, artist dam lai zingah Billboard 200 chart-a a ruala album panga lanpui thei hmasa ber leh awmchhun a ni. Top 10-a a album dang langte chu "Midnights", "Folklore", "Lover" leh "Speak Now" te an ni. Top 10-a a ruala album panga lanpui thei dang awmchhun chu Prince a ni a, kum 2016 khan a thih hnuah a album panga "The Very Best of Prince", "Purple Rain", "The Hits/The B-Sides", "Ultimate" leh "1999" te chu chart-ah hian a lo lanpui tawh a ni.

Billboard 200-a no. 1 lo hauh tawh, Drake 'For All the Dogs' chu no. 2-ah a lang a, Morgan Wallen 'One Thing at a Time' pawh no. 4-ah a la inham tang zui zel. No. 7-ah SZA 'SOS' awmin, Olivia Rodrigo 'Guts' chu no. 8-ah a awm a, Michael Buble Christmas album, 'Christmas' chu Top 10-ah a rawn lang tharin, no. 9-ah a rawn awm.