Mizo Hit Chart November-ah 'Ka Pa Khuma' bawk

Zo Event Management leh Mizo streaming app, 'Runmawi' ṭangkawpin an buatsaih, Mizo Hit Chart-November chu December 6 zan khan Zarkawt Community Hall-ah puan a ni a, Top 10-te lawmman pek an ni.

November chart hian September - November chhunga Youtube-a Mizo hla upload a huam. Hemi huam chhungah hian Lengzemah - Saiwanah Sailo & Mary Dawngi 'Ka Pa Khuma' leh Gospel-ah Jonathan Lianhna 'Nun ṭobul' chu view-tu ngah ber niin pakhatna an ni.

Kumin chhunga Mizo hla chhuak, YouTube-a thlirtu ngah ber, Gospel-ah 2.9 million view nei Jonathan Lianhna 'Ka thlang sual lo' leh, Lengzemah 9.2 million view nei Rebecca Lallawmsangi x Youngfella 'Hriat ka duh' te hnenah Most Viewed Award pek an ni a, Best Song composer-ah Jonathan Lianhna leh Saiwanah te thlan an ni bawk.