Zaninah K.Hminga album tlangzarh dawn

Mizo ṭhangthar zinga singer-songwriter ṭha ber zinga mi, K. Hminga album, 'Ka ngaih, Zawngho' tih chu zanin hian tlangzarh a ni dawn ta. He album-ah hian hla 10, la release loh ṭhah a awm dawn a, K.Hming phuah vek an ni.

He album hi July thla aṭanga buaipui ṭan niin, K. Hminga signature sound kan tih mai, hla lungkuai leh thinlung hneh thei a awm bakah, mi chawk phur leh tihlim em em thei te, ṭhian inkar hla te, hla pawisawi lo leh lenglawng kan tih angte a awm bawk. K. Hminga music kan hriat ṭhan bakah, kan la hriat ngai lem loh music thar hriat tur pawh a awm. Blues, country, rock leh pop inpawlh a ni dawn, a music zin kawnga bung thar kan hmu leh thei dawn niin a lang.

Album producer hi K. Hminga niin, co-producer Albert Peka, MikeJi & Sangkima Khiangte, technical director - Toia intoate, recording - Kings & Prophets Studio leh, mixing hi K.Hminga leh mastering hi Toia Intoate kutchhuak a ni. Musician-te hi keyboard - Albert Peka, drums - MikeJi, Bass- Sangkima leh guitar - K. Hminga te an ni. 'Ka ngaih, Zawngho' album hi Mizo music app, Darbu App-ah Rs. 200/- in lei theih a ni ang.