Forbes-in Most Powerful Women 2023 List a tichhuak

Forbes chuan kum 2023 chhunga khawvela hmeichhia thiltithei leh huhang ngah list a tichhuak leh. List a tihchhuahah hian CEO, entertainer, politician, philanthropist leh policymaker-te an inpawlh nawk mai.

Kum 2023 chhunga khawvel hmeichhiate zinga thiltithei bera Forbes-in a thlan chu European Commission President, Ursula von der Leyen (65), Belgium a ni a, a kum zawnin pakhatna dinhmun hi a hauh thei. Pahnihnaah European Central Bank President Christine Lagarde (67), Germany a lang a, pathumnaah US Vice President Kamala Harris (59) thlan a ni bawk. Kum 46 mi, Italy prime minister Giorgia Meloni chu palina niin, American singer-songwriter Taylor Swift chu pangana a ni a, Most Powerful Women top 5-a entertainer an lan ṭum khatna a ni.