AFI-in 2023 Top 10 film leh TV show thlang

American Film Institute (AFI) chuan kumin chhunga film leh TV show ṭha an tih 10 an thlang chhuak a, film ṭha zual thlan chhuah zingah boruak nei lian 'Barbie' leh 'Oppenheimer' an tel.

AFI Awards dawng tur thlangtu jury-ah hian AFI trustee, artist, critic leh scholar te an tel a ni.

AFI Award dawng tura film ṭha zual 10 an thlan chhuahte chu - American Fiction, Barbie, The Holdovers, Killers of the Flower Moon, Maestro, May December, Oppenheimer, Past Lives, Poor Things leh Spider-Man: Across the Spider-Verse te an ni.

Top 10 TV show-ah Abbott Elementary, The Bear, Beef, Jury Duty, The Last of Us, The Morning Show, Only Murders in the Building, Poker Face, Reservations Dogs leh Succession thlan an ni bawk. Nakkum January 12-ah award hi hlan an ni ang.

Film ṭha zual thlan chhuah zingah hian Netflix chuan film pahnih, 'Maestro' leh 'May December' a thawh a, distributor zingah kumin list-a film pakhat aia tam nei thei awmchhun a ni.