Cee-Lo Green-a'n a music video-a lang ve turin a fan-te a sawm

American rapper leh The Voice-ah pawh judge lo ni ve tawh ṭhin, Cee-Lo Green chuan a music video tihchhuah thar turah a fan-te lang ve turin a sawm.

Kum 44 mi Cee-Lo hian YouTube-ah music video a tihchhuah tum, 'Doing It All Together' chu fan-te ngaihthlak theihin a dah chhuak a, a hla hi ngaithlaa chumi hmanga video siam turin a fan-te chu a chah a ni. 

An video siamte chu June 10 thleng a website link-a thehluh theih a nih thu Cee-Lo chuan a sawi. Cee-Lo hian June 26-ah album thar, 'CeeLo Green Is Thomas Callaway' tihchhuah a tum a, music video siam a tum 'Doing It All Together' hi a album tharah hian a tel a ni.