State Level Beat & Solo Competition 2023 : Beat Group pakhatna Govt. Mizo HSS & Solo-a 1-na Brenda

Art & Culture Department-in High School leh Higher Secondary School puala State Level Beat & Solo Competition-2023 a buatsaih chu December 8 khan zawh a ni ta. Solo competition-ah Brenda Malsawmzeli, Helen Lowry Higher Secondary School chu pakhatnaa ni a, Beat Contest-ah Sempiternal, Govt. Mizo Higher Secondary School chu pakhatna an ni.

State Level Beat & Solo Competition, 2023-ah hian school hrang hrang aṭangin band 17 leh soloist 47-ten audition tape an thehlut a, heta ṭang hian judge-ten Top 10 thlang chhuakin, an thlan chhuahte hian December 8 khan Vanapa Hall-ah Final Round intihsiakna an nei a, mipuiin an hlut hle. Judge-te hi R. Lalchungnunga, Dr. K.C. Runremsangi, C. Lalzarmawia, Victor Vanlalhruaia leh Dr. Reuben Lalchuangkima te an ni.