TNT hnenah charity concert aṭanga sum hmuh hlan

Lelte Award Organising Committee chuan November 30 zana TNT puala charity concert an buatsaih aṭanga an sum hmuh, Rs 3,53,390 chu Inrinni liam ta khan TNT dintu Dr Sangthankima kutah an hlan. Committee aiawhin Dr Lalbiakdiki Hnamte-in a hlan a ni.

Charity concert hi Muanna Veng-a TNT hmunah neih niin, zaithiam lar mi 40 vel an che chhuak a, TNT tana luangchhuak duhte tan gpay hmanga pekna tur siam a ni bawk. Lelte Award Organising Committee chuan TNT tana sum thawhtu zawng zawng, zaithiam leh panel member bakah media lama an thawhpuite chungah lawmthu an sawi.