UK chart-ah Krismas hla an langsar

Krismas boruakin min tuam chho mek a, UK chart-ah pawh Krismas hla an rawn langsar hle. Top 40-a lang zinga hmun lia ṭhena hmun thum chu Krismas a ni.

Wham! 'Last Christmas' chu singles chart-ah a ṭum li-na atan No 1 a rawn ni leh a, Mariah Carey 'All I Want For Christmas is You' chu pahnihnaah a awm. November 30-a boral, The Pogues singer, Shane Macgowan hla, 'Fairytale of New York' chu No 4-a a rawn lang bawk.

UK weekly chart top 10-ah hian Krismas hla pariat zet an lang a, Brenda Lee 'Rockin' Around the Christmas Tree' chu parukna niin, Ed Sheeran leh Elton John-te hit, 'Merry Christmas' chu pasarihnaah a awm bawk.

George Michael leh Ridgeley-ten kum 1984-a an tih chhuah, 'Last Christmas' hi kum 2021 khan chart-ah hian No 1 rawn niin, No 1 ni tura hun hmang rei ber record an siam. Kum 2022 leh 2023 kumtir teah No 1 an rawn ni leh. Mahse Krismas karah tak No 1 dinhmun hi a la hauh ngai lo thung. Top 40-a Krismas hla lang zingah hian Ariana Grande 'Santa Tell Me', Michael Buble 'Holly Jolly Christmas' leh Slade 'Merry Xmas Everybody' pawh an tel a ni.