Peter Dinklage leh Jason Momoa-te'n film chang dun leh dawn

Game of Throne (GOT) star, Peter Dinklage leh Jason Momoa-te chu action-adventure vampire film thar tur, 'Good Bad and Undead'-ah an chang dun dawn tih Deadline chuan a tarlang.

Hemite pahnih hi kum 2011 khan GOT-ah an chang dun tawh a, GOT chang tawh zinga mipui ngainat berte zinga mi an la ni reng a ni. An film chan thar tur nghakhlel tam tak an awm tawh bawk. 

Dinklage leh Momoa-te hi an changdun dawn a ni satliah lo a, producer team-ah an tel ve ve dawn bawk a ni. Dinklage hi vampire vehtu lar Van Helsing lemah a chang dawn a, Mamoa hi vampire, mihring that leh tawh lo tura intiam lemah a chang dawn a, vampire leh vampire vehtu chu an inthurual dawn niin a lang.