Mizoram college zinga Quiz thiam ber Champhai College

MSU buatsaih MPSC Challeng Inter College Quiz Competition, Ignite Studio-a neih chu March 29 zan khan a hmawr an bawk fel a, Gov't Champhai College pakhatna an ni a, Rs 40,000 an dawng.. Final-ah hian Aizawl khawpawn college pahnih, Gov't Champhai College leh Gov't Serchhip College te an inel a, Govt. Champhai College aiawhten point 95 hmuin an champion.

Govt. Serchhip College ten point 70 hmuin pahnihna an ni a, Rs 20,000 an dawng thung. College pahnih aiawhte hi sum fai bakah trophy leh certificate hlan an ni. Champion team aiawh pahnih, Kennedy Remruatsanga leh Zosiampuii te hian Career Point-ah a thlawnin coaching an kal thei ang.
Zosiampuii hi nikum HSSLC exam-ah khan vocational subject-ah Mizoram pumpuiah pakhatna a ni.

Quiz neih chhung zawnga zawhna 57 zinga 21 chhang diktu Kennedy Remruatsanga, Govt. Champhai College chu best quizzer-ah thlan niin Rs 2000 leh trophy a dawng. Inter College Quiz Competition-ah hian Mizorama college 16 an tel a, zawhnate hi MPSC buatsaih a ni. MSU in Inter College Quiz an buatsaih hi a zawna kum 2 zet Civil Service exam-a Mizote kan NIL tawh thaibo tuma bulṭanna a ni.