Hlumawii'n music video thar peih fel

Hnahthial nula zaithiam, Lalhlumawii chuan Zoram khawvelin amah kan hmelhriatna ber "Thisenah thiltihtheihna" hla hmang khan Music Video a peihfel leh ta.

He music video hi Milestone Picture kutchhuak niin, Foster studio-ah recording tih a ni. Music hi Kima Chhangte a siam a ni thung. Bite-i music video thar hi zanin hian Zonet Zawlbukah chanchinthar puan hmain tihchhuah a ni ang.

Lalhlumawii (Bite-i) chuan he hla hi a duh zawng tak niin mipuiin an hlutsak em em laia music video a siam lawk thei lo chu pawi a tih thu a sawi. "Thisenah Thiltihtheihna" tih hla hi Kristian Hla Bu No 165 naah khan 'I sual rit phurh tihbona i duh em?' tia dah a ni thung. LE Jones phuah niin Mizo ṭawnga lettu hi Dr RK Nghakliana a ni.

Bite-i chuan "Mizo rilrem zawng tak hla a ni in ka hria, a ngaithlatute pawh in Thlarau lamah malsawmna an chan ngei ka duhin ka beisei. Ka ṭawngṭai na pawh a ni" a ti.

He hla hi Rualthankhuma Chhak≠chhuak-in a thlansak niin, Mizo Idol intihsiak hunlai leh Idol zawh hnua a sak tam ber pawl a ni nghe nghe. Mizo Idol 2014 a pahnihna Lalhlumawii hian album hmasa ber tur a buatsaih mek a, a music video thar "Thisena thiltihtheihna" pawh hi he album-a mi tur hi a ni. A album hmasaber tur hi May thla vela peihfel hman a beisei thu Bite-i chuan a sawi.