P. Diddy-a'n school a din

Rapper lar leh hausa P. Diddy chuan New York-a a pianna veng, Harlem-ah school a din. P. Diddy hian kum 2011 aṭang khan school din chungchang hi a lo ngaihtuah tawhin a buaipui tawh a ni.

Diddy chuan, "School han din meuh chu a ropui a, ka thil tum ropui tak ka tihlawhtling ta niin ka inhria. Ka huang chhunga ṭhalaite nuna huhang neih a, nakina hruaitu ṭha tur chher chhuah hi ka duh hle. Chumi tihlawhtling tura rahka hmasa ber chu zirna ṭha tak an neih theih tur siamsak a ni," a ti.

P. Diddy school hi Capital Preparatory Harlem Charter School a ni a, Hartford, Connecticut-a Capital Prep Magnet School dintu Dr. Steve Perry chuan he school hi a vil zui ang a, Florida-a educationist, Danita Jones chu principal tur a ni.