Khiangte Construction Ṭhazual Gospel : No. 1-ah One in Christ 'Eng nge sual tifai thei ang'

One in Christ 'Eng nge sual tifai thei ang' tih chu Khiangte Construction Ṭhazual Lengzem chart tharah no. 1 a ni.

'Enge nge sual tifai thei ang' tih hi 'Nang hnaihin' album-a mi a ni a, a music video hi November 2 khan One in Christ hian an YouTube channel-ah an dah chhuak a, thlir leh ngaihthlak a hlawh hle. Recording hi Studio A-16 ah tiin, music hi Andrew Vanchhawng a ni a, video hi Reuben Lalmalsawma siam a ni. Tun ṭum chart-ah hian no. 1 dinhmun an hauh bakah, an hla tihchhuah thar, 'Van zaipawl te'n hla an rem' tih chu Top 10 chart-ah an lanpui thei bawk.

Sawmtea Chhangte pawhin a hla thar, 'Ka rethei lo ve' tih chu hma a rawn sawnpui zel a, pahnihnaah a rawn chho ta. Ṭhazual Award 2023-a Gospel caterogy-a best female artist award dawngtu, Arini Ralte pawh 'Lalpa ka aw lo hria ang che' tih hmangin no. 3-ah a rawn lang. Gospel band thar, Lighthouse 'Isu hming mawi ber' chu an dinhmun ngai, no. 4-ah an la awm a, Zomuanpuia Hmar chuan 'Lalpa hriatpui' tih hmangin Top 5 a rawn khar.

Ṭhazual Gospel Top 10-ah hian Mama Khiangte leh Lalthlengliani Jongte an la lang chhunzawm a,anni bakah lang thar pahnih Vanlalruati leh Divine Voice-te an awm bawk.