Louis Vuitton house ambassador thar RIIZE

France luxury brand Louis Vuitton chuan house ambassador thar atan South Korean boy band, RIIZE a ruat.

SM Entertainment chuan nimin khan thuchhuah siamin, RIIZE chu an style dangdai tak, trend siam thei an nihna rawn hriain, Louis Vuitton chuan house ambassador atan a rawn thlang ta a ni, a ti. Louis Vuitton aiawh pawhin RIIZE chu khawvelah an style leh music avangin hriat an hlawh a, an single album hmasa ber, 'Get A Guitar' pawh kar khat chhung lekin copy maktaduai khat chuang an hralh thei nghal tih a sawi. An style avang hian fashion industry lamah pawh ngaihven an hlawh hle a ni, a ti bawk. RIIZE-ah SM Entertainment din niin, member pasarih an awm a, September thla khan an album hmasa ber hi an tichhuak a ni.