'All I Want for Christmas is You': Mariah Carey-i'n video thar tichhuak

Mariah Carey chuan kum tin Krismas dawna a larpui ziah, 'All I Want for Christmas is You' video thar a tichhuak. A video tharah hian Miley Cyrus leh Nicole Richie-te an inlan a, 'Merry Christmas One and All!' tour a neihnaa footage ṭhenkhat pawh a dah tel bawk.

A video thar hi ‘All I Want For Christmas is You (Festive Lambs Edition),’ tih a ni a, singer hian amah aiin a fan-te lam a tilang tam a, a fa phir kum 12 mi Morroccan leh Monroe-te pawh an lang. Kum 54 mi, Mariah Carey hian ‘Merry Christmas One And All!’ tour a neih mek chu December 17 hian New York City-a Madison Square Garden-ah a khar ang.