Aizawl Area Baptist Choir Krismas hla thar a chhuak

Aizawl Area Baptist Choir (2022-2025) chuan kumin Krismas hmuah nan hla thar "Remna Lal a ni si" tih chu December 12 zanah Baptist House, Upper Khatla-ah hlanna leh tawngtaina neiin an tlangzarh.

He hla hi Lal thar piang chibai bukna leh hlimna lam hla a ni a, Conductor Pu Lalramdina phuah niin, music hi Muanpuia Renthlei kutchhuak a ni. Voice Recording hi Kings & Prophets lamin an khawih a, video hi Social media lama kan hmelhriat lar, 'Rawng Chawhpawlh' avanga hriat hlawh GreenRocketTV Production siam a ni. Aizawl Area Baptist Choir te hian music video paruk an siamna a ni a, an hla zawng zawng hi zaipawl kutchhuak vek a la ni.