'Animal'-in Rs. vbc 700 la lut tling tawh

Ranbir Kapoor channa, action thriller 'Animal' chuan tihchhuah a nih aṭanga ni 10 chhungin khawvel huapin Rs. vbc 700 a la lut tling der tawh a, ram chhung bika a sum lak luh hi Rs. vbc 500 dawn a ni tawh bawk.

December 1-a tlangzarh,'Animal' hi tharum thawhna lam a tam tia sawisel tawk awm mah se, box office lamah a che ṭha a, sum pawh a la lak luh belh zel a rinawm. Shah Rukh Khan blockbuster, ram chhunga Rs. vbc 543 la lut thei 'Pathaan' leh, Rs. vbc 640 la lut 'Jawan' te pawh a khum theih a beiseiawm hle. 'Animal' hi Sandeep Reddey Vanga direct leh edit a ni a, Ranbir Kapoor bakah Anil Kapoor, Bobby Deol leh Rashmika Mandanna te an chang a, Tripti Dimir pawh a inlan bawk.