Billboard 200: ATEEZ-in a ṭum khatna atan No. 1 dinhmun hauh

Billboard 200 album chart-ah Korean boy group, ATEEZ chuan an album, "THE WORLD EP.FIN: WILL" hmangin no. 1 dinhmun an rawn hauh a, album chart-ah no. 1 an neih ṭum khatna a ni.

"THE WORLD EP.FIN: WILL" hian kar liam ta khan US-ah equivalent album unit 152,000 a nei. ATEEZ hian top 10 chart-ah hian album pali an lo lanpui tawh a, June thla khan "The World EP.2: Outlaw" chu no. 2 an thlenpui.

Taylor Swift '1989 (Taylor's Version' chu no. 2-ah tla thlain, Dranke 'For All the Dogs' pawh no. 3-ah a tla thla ve bawk. Morgan Wallen 'One Thing at a Time' erawh no. 4-ah a la ding nghet zui zel. Michael Buble 'Christmas' album chu chart hmasa-a no. 9 aṭangin no. 5-ah a rawn kai chho thung.

Billboard album chart Top 10-ah hian Taylor Swift album dang pahnihn, 'Midnights' leh 'Folkore' an la lang chhunzawm a, hei bakah hian SZA 'SOS' pawh la chamin, Noah Kahan 'Stick Season' leh Nat King Cole 'The Chrismas Song' te an rawn lang ve bawk a ni.