2024 Grammy Awards host tur Trevor Noah

2024 Grammy Awards host turin comedian Trevor Noah ruat a ni a, ṭum li a host-na tur niin, best comedy album-ah nominee a ni tel bawk.

Trevor Noah chuan a Spotify podcast, 'What Now?' ah Grammys a host tur thu hi puangin, a phur hle tih a sawi bawk. Noah hi 66th annual Grammy Awards producer a ni dawn bawk a, he show hi a zawna a kum lina atan Fulwell 73 Productions for the Recording Academy chuan a produce dawn a ni. Kum 40 mi, Trevor Noah hian Comedy Central-a 'The Daily Show' chu kum 2015 - 2022 chhung khan a host a, kum 2017-ah spin-off show, The Daily Show – Behind the Scenes vangin Primetime Emmy a lo dawng tawh a ni. Grammys-ah hian host ni chunga award a dawng thei a nih chuan, kum 1980-a Kenny Rogers-a hnua hetiang dinhmun thleng thei hmasa ber a ni dawn a ni. 2024 Grammy Awards hi nakkum February 4-ah sem a ni ang.