UFC Champion Mark Kerr lemah The Rock

Dwayne 'The Rock' Johnson chu legendary MMA fighter, UFC champion Mark Kerr lemah a chang dawn.

Mark Kerr chanchin movie-a an siam tur, 'The Smashing Machine'-ah hian Kerr-a'n UFC lama a vanglai a tawn chhoh lai, leh a hnuah addiction vanga a buaina leh a tal chhuah dante tarlan a ni ang. A24 chu producer leh financier niin, Benny Safdie-a'n a direct ang.

Kerr hi wrestler leh mixed martial artist hlui niin, MMA-a a tel laiin UFC Heavyweight Tournament champion vawi hnih a ni a, World Vale Tudo Championship tournament winner ni bawkin, Pride FC Heavyweight Champion, 1992 NCAA National Wrestling Champion, 1994 National Freestyle Champion bakah ADCC World Submission Champion vawi li a ni bawk. Kum 2003 khan HBO chuan a documentary hi an lo tichhuak tawh a ni.