Vawiinah Lamlian Lehlam Vol-II tlangzarh dawn

Pachhunga University College-a Chhawkhlei Cultural Club buatsaih, video pui leh dangdai, Chhawkhlei Lamlian Lehlam Vol -II chu vawiin hian PUC Seminar Hall-ah tlangzarh a ni dawn.

Chhawkhlei Cultural Club hian kum 2021 khan Chhawkhlei Lamlian Lehlam vol -I hi an lo tichhuak tawh a, a aia pui zawkin a chhunzawmna hi an rawn siam leh a ni. Lamlian Lehlamah hian Mizote khawvel, sakhuana leh nundan phung tarlangin, hnam rohlu, lam leh ziarang mai bakah thuam thil leh thawnthu ṭha tak tak pho lan tel a ni. He video hmang hian Mizo culture hausakzia leh ropuizia pholan a ni a, khawvel zau zawka kan hnam nihna auchhuahpui hi an tum a ni. Hnam inpumkhatna leh Mizo hnam lam hrang hrangte awmze nei takin an rem khawm a, a hmuhnawmin thlir manhla tak a ni. Chhawkhlei Lamlian Lehlam-II video hi BS Pictures kutchhuak a ni a, director hi Paia Pachuau niin, director of photography hi Lalbuatsaiha a ni a, audio hi Lord's Audiocraft-ah an record a ni.