Kristian Chhungkaw Film insiamsiak result puang : Pakhatna Kolasib Diakkawn Kohhhran 'Buang Ṭingṭanga'

Mizoram Presbyterian kohhran hnuaia Family Guidance & Counselling Centre (FG&CC) buatsaih, Kristian Chhungkaw film insiamsiak result chu December 14 zan khan Upper Republic Kohhran Hall-ah puan a ni. Lawmman pakhatna chu Kolasib Diakkawm Kohhranin 'Buang Ṭingṭanga' tih hmangin an dawng.

Kristian Chhungkaw Film insiamsakah hian kohhran 37 an tel a ni. Pakhatna Kolasib Diakkawn Kohhran hian lawmman Rs 2,00,000 an dawng. Pahnihna chu Mission Veng Kohhran (Vanram Investment) niin, Rs 1,00,000 an dawng a, pathumna Khatla East Kohhran (Rawhtuina Mei) chuan Rs 50,000 an dawng bawk.

Top 10-ah hian Chawnpui Kohhran, Ramhlun North Kohhran, East Lungdar Kohhran, Bawngkawn Kohhran, Chanmari West Chhim Veng Kohhran, Bawngkawn Chhim Veng Kohhran leh Ramhlun Kohhran-te an lang bawk a, intihsiaknaa tel zawng zawng tan lawmman siam a ni.

Mimal lawmman pawh siam niin, Best Actor-ah Andrew Laltlankima, Kolasib Diakkawn Kohhran leh Best Actress-ah Lalmuankimi, Khatla East Kohhran te thlan an ni. Film inisamsiaknaa pakhatna aṭanga pathumnate hi Synod Information YouTube channel-ah dah nghal an ni a, film dang pawh hi dah zel a ni ang.