Court-in Rhea Chakraborty zin chhuah a phalsak

Bollywood actor, Sushant Singh Rajput thihna kaihhnawiha drug case siamsak zinga mi, actress Rhea Chakraborty chu Narcotic Drugs and Psychotropic Substances (NDPS) court chuan Dubai-ah ni ruk chhung a zin a phalsak.

Court hian Narcotics Control Bureau (NCB) hnenah Rhea Chakraborty passport hi pe turin a hriattir nghal a, December 27, 2023 leh January 2, 2024 inkara zin chhuah phalsakin, January 4, 2024-ah a passport chu NCB hnenah pe kir leh nghal turin a ti bawk. Drug case kaihhnawihah hian kum 2020,September thla khan Chakraborty hi man ni tawhin, bail-a chhuahtir a ni. Tun ṭum hi thubuai siamsak a nih hnuah ram pawn lama a zin chhuah phalsak a nihna hmasa ber a ni.