Daytime Emmys 2023-ah 'General Hospital' che ṭha ber

Hollywood actor-te nawrh vanga thla ruk zet an khawtlai hnuah, kar liam ta Zirtawpni zan khan Los Angeles-a Westin Bonaventure Hotel-ah 50th Annual Day Emmy Award an sem thei ta.

Daytime Emmys hi “Entertainment Tonight” hosts Kevin Frazier leh Nischelle Turner-te'n an kaihruai a ni. Award semnaah hian 'General Hospital' a che ṭha hle a, award pasarih zet lain heng zingah hian daytime drama, supporting actor leh actress,younger actor, guest actor, directing leh casting award te a tel. 'The Bold and the Beautiful' chuan award pahnih a la ve bawk. 'The Kelly Clarkson Show' chuan award paruk dawngin, outstanding daytime talk series bakah, talk series host award pawh a dawng tel a ni.