Favorite New Music-ah Karol G 'Que Chima De Vida' thlang

Billboard-in kar liam ta chhunga hla tlangzarh thar zinga fan-te duh ber a thlan tirah, Colombian star Karol G hla thar, 'Que Chima De Vida' chu thlan a ni.

Vote tla aṭangin 'Que Chima De Vida' hian 59% a hmu a, a hnuaiah hian Megan Thee Stallion leh Renee Rapp 'Not My Fault', Nicki Minaj 'Pink Friday 2' leh Lil Baby 'Crazy' leh '350' te an awm. Karol G hi Billboard-in Greatest Pop Stars of 2023 list a tih chhuahah No 6-ah thlan a ni bawk. Nakkum lamah hian a vawi khatna atan European tour neih a tum thu a puang tawh a, June 8-ah Zurich, Switzerland aṭangin a ṭan dawn a, July 20-ah Madrid, Spain-ah a khar ang. Hemi hnu hian Latin America-ah show neih chhunzawm leh a tum bawk.