Demi Lovato leh Jutes inhual

Demi Lovato leh musician Jordan 'Jutes' Lutes-te chu kar liam ta khan an inhual.

'Sorry Not Sorry' singer, kum 31 mi Lovato hian Pathianni khan a Instagram-ah an inhual thu hi a puang a, an inhualna zungbun thlalak a dah lang bawk. A tana zan hun duhawm ber a nih thu te, a hmangaih em em nena an innei thei tur chu a hlim thute a ziak lang a ni. Kum 32 mi, Jutes pawhin a Instagram-ah ziak lang ve bawkin, khawvela mipa vannei ber a ni tih a sawi.

Lovato leh Jutes hian nikum August thla khan an inkawp thu hi an puang a ni. Lovata album thar ber, 'Holy Fvck' an buapuina aṭanga intawng niin, he album-a hla eng emaw zat hi Jutes hian a siampui a, heng zingah hian 'Substance', 'Happy Ending' leh 'City of Angel' te a tel.