Jungkook-a'n Spotify-ah record a siam

BTS star Jungkook chuan sipaia a ṭan hnuah pawh a hla hmangin record a la siam chhunzawm zel. Thawhṭanni khan music streaming app, Spotify-ah Jungkook hian a hla hrang hrangte chu stream tluklehdingawn 4 a neihpui a, K-pop soloist zingah hetiang dinhmun thleng thei hmasa ber a ni.

Kum 26 mi, Jungkook hian November thlaa a tih chhuah, debut solo album 'GOLDEN' chu stream billion hnih chuang a neihpui thei a ni. Hemi hma hian single 'Seven' (feat Latto), '3D' (feat Jack Harlow) leh Standing Next to You a lo tichhuak bawk a, 'Seven' hi Spotify-a billion stream nei rang ber a nihpui tawh bawk. Audio streaming platform hrang hrangah K-pop soloist zingah stream ngah ber ni bawkin, khawvel pumah on-demand audio stream tld 7.5 chuang a nei tawh bawk.