Elle India 'Stylist of The Year'-ah James Lalthanzuala

Elle India-in India fashion industry leh creative field-a thawkte chawimawina hun a siam, 'Elle Graduates 2023'-ah Mizo tlangval, James Lalthanzuala chu 'Stylist of the Year' ah thlan a ni. He chawimawina hi Mizoram aṭang chauh ni loh, hmarchhak bial aṭanga dawng thei hmasa ber a ni.

Elle Graduates hi India rama fashion event lian ber zinga mi niin, ngaihhlut pawh a hlawh hle. Elle Graduates 2023 hi December 16 khan Insituto Marangoni, Mumbai-ah neih a ni a, India rama mi larte an fuankhawm nasa hle.

Award ngaihhlut tak, Stylist of the Year dawngtu, James Lalthanzuala hi Tuikual tlangval a ni a, tunah hian New Delhi-ah awmin, talent agency Feat Artists in a represent mek a ni. Kuminah pawh sulhlu lian tak tak a hnutchhiah tawh a, Vogue India Cover, Harpers Bazaar Cover, Jimmy Choo x id Mangazine, Raw Mango, Ekaya, Lenskart Campaign, Amazon, Atmos (international magazine) bakah a dangahte pawh sulhnu ṭha tak a nei a ni.