Eva Longoria hnenah Motor E.Ruderman Award hlan dawn

Actor, director, producer, entrepreneur leh activist ni bawk, Eva Longoria chu taksa leh rilru lama harsatna neite ṭanpuina kawnga a thawh hlawk avangin, Ruderman Family Foundation chuan Motor E. Ruderman Award dawng turin a thlang.

Eva Longoria hi kum 2006-a a din, non-profit Eva's Heroes kaltlangin kum tam tak chhung midangte ṭanpuina atan hian a che chhuak tawh a ni. Kum 2019 khan autism chungchanga mipui zirtirna kawnga a thawh ṭhat vangin HollyRod Humanitarian Award hlan a lo ni tawh bawk. Longoria hian a u, rilru lama rual ban lo Liza chuan amahah nghawng nasa tak neiin, midangte tana thawk tura cho chhuaktu a ni tih thu leh, a nu ngei pawhin khawtlang tana rawngbawl pawimawh zia an tet lai aṭanga a hrilh fo ṭhin thu a lo sawilang tawh a ni. Rilru leh taksa lama rualbanlote tana ding a, an dikna chanvote an hmuh theihna tura thawk turin Eva's Heroes pawh a din tih a sawi bawk.