Billboard 200 No 1-ah Nicki Minaj 'Pink Friday 2'

Billboard 200 album chart tharah Nicki Minaj chuan a album thar, 'Pink Friday 2' chu No 1-ah a rawn lanpui a, No 1 ni thei album pathum a neihna a ni ta.

'Pink Friday 2' hian tlangzarh karah US-ah equivalent album unit 228,000 a nei a, he album-a hla 22-te hian on-demand official stream mtd 169.87 an nei bawk. Album sales hi 92,000 a ni.

Nicki hian 2012 khan 'Pink Friday : Roman Reloaded' leh 2011-ah 'Pink Friday' album-te chu chart chung berah a lo awmpui tawh a, hmeichhe rapper zingah No 1 album nei thei tam ber a ni bawk.

Chart tharah hian Taylor Swift '1989 (Taylor's Version')' album chuan equivalent album 109,000 neiin No 2 a rawn ni a, thla kua chhunga album chart Top 2-ah hmeichhe pahnih an lan vawi khatna a ni.

Pakhatna dinhmun pawh lo hauh tawhtu, Drake 'For All the Dogs' chu No 3-ah awmin, equivalent album unit 68,000 a neih belh leh. No 4-ah Tate McRae a rawn lang a, 'Think Later' album chuan equivalent album unit 66,000 neiin, Top 10 album-a a lan ṭum khatna a ni.

Michael Buble 'Christmas' chuan holiday season a hlawkpui chhunzawm zel a, No 5-ah a la awm. Morgan Wallen 'One Thing at a Time' chu No 6-ah a tla thla a, a hnuaiah hain Swift 'Midnights' leh SZA 'SOS' te an lang. Taylor Swift album dang, "Lover' leh 'Folklore' chu Top 10-ah hian an lang bawk.