Madame Tussauds-ah Ranveer Singh lim dah

Madame Tussauds, London-ah Bollywood star, Ranveer Singh wax statue dah a ni ve leh ta. Hemi hma hian Madame Tussauds, Singapore-ah a lim hi dah a lo ni tawh bawk.

Ranveer Singh hian London leh Singapore-a a lim dah a ni ve ta chu a lawm thu sawiin, thlalakte pawh a rawn pholang a ni. A nupui, Deepika Padukone lim hi London leh Delhi-a MadameTussauds-ah dah a lo ni tawh bawk. London-a Ranveer Singh lim dah thar hi an inneih lawmnaa a hak, designer Manish Arora design neon sherwani ang hak tir a ni a, Singapore-a a lim hi Gaurav Gupta design tuxedo hak tir a ni thung. Ranveer Singh hi tun hnaia Jeddah, Saudia Arabia-a Red Sea International Film Festival-ah khan Honorary Yusr Award hlan a ni.