Kat Von D-i'n a tattoo leh incheina avangin sawisel a tawk

Kristiana inpe a, tun hnaia baptisma changtu, Kat Von D chuan Kristiana a inpek hnuah a tattoo nasa tak leh a inthuam dante chu mi tam takin hrethiam loin sawisel a tawk fo tih a sawi.

Entrepreneur, singer leh tattoo artist hi reality show, LA Ink leh Miami Ink aṭanga hriat lar chhoh niin kum 2021 khan a album, 'Love Made Me Do It' a tichhuak. Kumin October thla khan Kristiana a inpek thu sawiin Vevay, Indiana-a Switzerland Baptist Church-ah baptisma a chang lai video pawh amahin a dah chhuak a ni. Kristiana a inpek hnuah, a tattoo leh incheidante avangin Kohhran mite lak aṭangin sawisel a tawk fo tih a sawi a, mahse, hei hian Pathian nena an inkar boruak a tibuai pha lo tih sawiin, an sawiselna chu eng atan mah a ngaih loh thu a sawi. Kristian a nih avanga dress code hran bik a awma a hriat loh thu a sawi bawk.