Mariah Carey-i'n ‘All I Want for Christmas Is You’ record siampui

Mariah Carey chuan a hla hit,'All I Want for Christmas Is You' tih chu Billboard Global 200-ah no. 1 nihpui lehin, no. 1 ni ngun ber record a siampui a, a chung ber dinhmun hi ṭum 16 a luahpui tawh a ni.

'All I Want for Christmas Is You' hi kum 1994-a Mariah Carey-in holiday album hmasa ber, 'Merry Christmas' a tihchhuaha mi niin, kum tam tak chhung chu Krismas vuakvetah chart-ah a rawn lang chho ta ziah a ni. Ṭum 16 no. 1 rawn ni tawhin, Global 200-ah hian kar thum chhung a zawnin no. 1 a ni thei bawk. Kum, 2020 aṭanga siam ṭan, Billboard Global 200-ah hian “All I Want for Christmas Is You” hmaa no. 1 ni ngun thei ber chu Harry Styles 'As It Was' niin, a chung ber dinhmun hi ṭum 15 a luah thei a, mahse, Carey hian a rawn lehpel ta a ni. Carey smash hit hi kar liam ta khan copy 12,000 hralh belh lehin, stream mtd 102 chuang a nei tawh bawk.