‘Animal’ sequel an siam dawn

Box office lama che ṭha tak, Ranbir Kapoor channa, 'Animal' chu a chhunzawmna, 'Animal Park' siam a ni dawn tih producer T-Series chuan official-in an puang nghal der.

Sandeep Reddy Vanga direct, 'Animal' hi December 1 khan tlangzarh a ni a, ram chhung leh ram pawn lamah a 'hit' nghal hle. A sum lak luh hi Rs. vbc 840 chuang ni tawhin, India ram bikah Rs. vbc 500 a la lut tling tawh a ni. Indian film zingah sum a la lut tam pakuana a ni der tawh. T-series chuan 'Animal' chhunzawmna siam turah hian director Sandeep Reddy Vanga pawh an thawhpui leh dawn tih a sawi a, hei bakah hian film dang pahnihah thawhpui an tum bawk. Vanga hian Animal film-a chang tur hian Ranbir Kapoor hi a duh thlan hmasa ber tih a sawi a,an chan lai aṭang pawhin box office lamah an film hi a chet ṭhat a beisei lawk thu a sawi.