2003 chhunga Instagram post like-tu ngah ber, ni tla lai : Post like-tu ngah zingah Cristiano Ronaldo leh Selena Gomez

Kum 2023 chhunga Instagram-a post like-tu ngah ber chu mi larte thlalak lam ni loin, user @jiangzhibin24 post, tlai ni tla video a ni daih thung. He post like-tu hi maktaduai 34.5 tlingin, August 5-a a post kha a ni. Instagram-a reel/video bikah like-tu ngah ber a ni a, mahse, hemi rual hian Instagram chanchina post like-tu ngah, all-time list-ah chuan parukna chauh a ni pha thung.

Kumin chhung bika post like-tu ngah zual pahnihna leh pathumna chu IG-a mimal zinga follower ngah ber, footballer Cristiano Ronaldo post ve ve niin, hengte hi action shots ve ve niin like hi mtd 27 chuang ve ve an nei. Mahse IG-a post like-tu ngah, all-time list-ah chuan no. 14 leh 15-ah an awm.

No. 4-ah hian hmeichhe zinga IG follower ngah ber, Selena Gomez post awmin, hei hi March 13-a makeup engmah hmang loa a selfie-na a post, caption-a 'Violet Chemistry' tih a hmanna kha a ni. He post hian kuminah no. 4 hauh mah se, all-time list-ah erawh no. 19-ah a awm.