Most Beautiful Vegetarian 2023-ah Jackie Shroff leh Zeenat Aman

PETA India chuan ramsa leh environment humhalhna kawnga thawh hlawk tak, veteran actor pahnih Jackie Shroff leh Zeenat Aman-te chu 'Most Beautiful Vegetarian of 2023' ah an thlang.

Zeenat Aman hian a fan-te hnena ramsa mante chu vulh/khawi lo tura ngenna a lo siam fo tih PETA India chuan an official website-ah a tarlang a, hei bakah India rama stray dog-te ngaihthah leh, an laka rawng taka chetna thleng ṭhin chungchang pawh a lo aupui fo tawh a ni, an ti. Stray dog Lily pawh a enkawl zui bawk a ni. Jackie Shroff hian environment humhalhna kawngah hma a la ṭhain, ram chereu zel tur venna atan thing ṭiak phun tur hi a veivahnaah a keng chhuak fo ṭhin bawk. PETA India chuan ransa leh environment humhalhna kawnga an hmalakna avangin Shroff leh Aman-te chu lawmthu an hrilh bawk a ni.