Billboard 200-ah Taylor Swift bawk langsar leh

Billboard 200 album chart-ah Taylor Swift bawk a langsar leh a, a album 1989 (Taylor's Version) chu No 1-ah a lanpui leh ta. A zawn loin kar li chhung chart chung berah a lang tawh a ni.

'1989 (Taylor's Version' hian kar liam ta chhungin US-ah equivalent album unit 136,000 a nei leh a ni. November thla tir lam khan kar hnih chhung chart No 1 lo ni tawhin, December 9 chart-ah khan a chung berah a lo awm tawh bawk. Chart top 10-ah Swift hian album pathum a lanpui thei a, No 1 dinhmun a hauhpuina album bakah No 3-ah 'Midnights' leh No 7-ah 'Lover' te an lang bawk.

Nicki Minaj 'Pink Friday 2' chuan equivalent album unit 100,000 neiin No 2-ah a awm a, Michael Buble 'Christmas' chu Krisma karah No 4-ah a rawn chho bawk. Chart luah lumtu,No 1 dinhmun pawh lo hauh reng tawh, Moran Wallen 'One Thing at a Time' pawh chart hmasaa No 6 aṭangin No 5-ah a rawn kai chho leh bawk a ni.

Billboard 200 Top 10 :

1. "1989 (Taylor's Version)" - Taylor Swift (136,000 units)

2. "Pink Friday 2" - Nicki Minaj (100,000 units)

3. "Midnights" - Taylor Swift (75,000 units)

4. "Christmas" - Michael Buble (70,000 units)

5. "One Thing at a Time" - Morgan Wallen (just over 64,000)

6. "For All the Dogs" - Drake (64,000 units)

7. "Lover" - Taylor Swift (60,000 units)

8. "The Christmas Song" - Nat King Cole (56,000 units)

9. "SOS" - SZA (54,000 units)

10. "Merry Christmas" - Mariah Carey (52,000 units)