Box Office : Krismas karah beisei pha lo "Aquaman and the Lost Kingdom'

North American box office-ah Krismas karah Jason Momoa channa, 'Aquaman and the Lost Kingdom' chuan beisei ang la lut lo mah se No 1 dinhmun a hauh.

He movie siamna atan USD mtd 205 zet sen a ni a, mahse tlangzarh karah hian America leh Canada-ah USD 28.1 chiah a la lut pha. Kumina superhero movie chhuak zinga sum la lut ṭha lo ber zingah niin, Disney Marvel Cinematic Universe instalment-a sum la lut tlem ber record lo siam tu, USD mtd 48 la luttu 'The Marvels' pawh a pha lo a ni.

'Aquaman and the Lost Kingdom' a tirah chuan December 2022-ah tihchhuah tura ruahman a ni a, mahse Covid-19 hri leng vangin an ruahman anga kal thei loin vawi eng emaw zat siam rem a ni.Critic lamah pawh review a hmu ṭha lo a, audience lam pawhin Cinemascore-ah B-grade an pe.

Timothy Chalamet channa, 'Wonka' chu No 2-ah a tla thla a, USD mtd 17.7 lak luh belh lehin, domestic-ah a sum hmuh hi USD mtd 75.2 leh international-ah USD mtd 171.3 a tling tawh.

Top 5-ah hian newcomer pathum an awm a, 'Migration' chuan USD mtd 12.3 la lutin, pathumna a ni a, R-rated romantic comedy 'Anyone But You' chu palina leh, panganaah Indian action drama 'Salaar Part 1 - Ceasefire' te an rawn lang.

North American Box Office Top 10

1. "Aquaman and the Lost Kingdom" - $28.1 million

2. "Wonka" - $17.7 million

3. "Migration" - $12.3 million

4. "Anyone But You" - $6.2 million

5. "Salaar Part 1 - Ceasefire" - $5.5 million

6. "The Iron Claw" - $5 million

7. "The Boy and the Heron" - $3.2 million

8. "The Hunger Games: The Ballad of Songbirds and Snakes" - $3.2 million

9. "Godzilla Minus One" - $2.7 million

10. "Poor Things" - $2.1 million