'Parasite' actor Lee Sun-Kyun a thi

Academy awards winning film, 'Parasite' actor Lee Sun-Kyn chu nimin khan a car chhungah thia hmuh a ni.

Kum 48 mi, South Korean actor Jongno-gu, Seoul-a car park-na hmuna a car park chhungah thia hmuh a ni a, mahni intihlum nia hriat a ni. Car chhunga nikhawhreloa a awm hmutu hmeichhe pakhat chuan police-te a phone a, minute 30 hnu velah police-te hi thlengin, an thlen chuan a lo thi tawh tih an sawi. Lee Sun-Kyn hi ruihhlo hmansual chungchangah police-ten an chhui mek lai niin, police hmaah hian ṭum thum a lo inlan tawh a, mahse an puhna hi a pha thung. December 23 khan Nonhyeon Police Station-ah inlanin, darkar 20 dawn zawhna an zawt a ni. Hemi ṭum hian straw hmana as damdawi hip chu ruihhlo a ni tih hre loin, sleeping pill emawm a tih thute a sawi.

Lee Sun-Kyn hi "Coffee Prince" (2007) leh "White Tower" (2007) a chan aṭangin South Korea-ah a lar chho a, hemi hnu hian TV series lar tak, 'Pasta' (2010) bakah "Golden Time" (2012) leh "My Mister" (2018)-ahte a chang leh bawk. 92nd Academy Awards-a Best Picture la tu, 'Parasite'-ah khan a chang bawk. A nupui, actress Jeon Hye-jin leh an fapa pahnihte a kalsan a ni.