2024-ah Ariana Grande album thar chhuak dawn

Ariana Grande chuan hun eng emaw chen music lam aia 'Wicked' live adaptation-a role leh, R.E.M Beauty business lama a insawrbing hnuah, nakkumah a album pasarihna tur a tichhuak dawn tih official-in a puang.

Kum 30 mi, Grande hian a Instagram lamah a producer Ilya Salmanzadeh nena studio lama an hun hmanna thlalakte a rawn pho chhuak a ni. Grammy winner hian kum 2020-a 'Positions' a tihchhuah hnuah album thar a la ti chhuak lo. He album hi Billboard 200-ah No 1 a nihpui bakah,a title track hi Billboard Hot 100-ah No 1 a nihpui bawk. Grande hian music lama a rawn kirna tur lawmna pual hian a fan ṭhenkhatte chu thilpek a pe bawk a, heng zingah hian R.E.M lip product a tel a,a thalak leh a kutziak ngeia, 'See you next year' tihte a dah tel.