Jungkook-a'n Miley Cyrus record nih rual

BTS Jungkook 'Standing Next to You' chu Billboard Digital Song Sales chart-ah No 1 a rawn ni leh a,a zawn loin kar nga chhung chart-ah No 1 a rawn ni ta. Heti hian kum 2023-a Digital Song Sales chart-ah No 1 lang ngun ber record siamtu, Miley Cyrus 'Flowers' chu a rawn nih rual ta chiah a ni.

'Standing Next to You' hi Billboard Pop Airplay chart-ah No 39-ah a lang thar bawk a, US-a radio station hrang hranga hla play nasat 40 zingah a lang a ni. Jungkook hian Top 40-ah hian hla dang pahnih,'Too Much' leh '3D' te a lanpui bawk

Billboard global chart lamah pawh Jungkook hian a hla pathum ṭheuh a lanpui a, US-a hla lar tehna, Billboard Hot 100-ah Standing Next to You hi No 79-ah a rawn lang leh a, chart-ah hian a zawnin kar sarih a lang ta bawk. A solo deubut album, 'GOLDEN' chu Billboard 200-ah No 39-ah lang bawkin, kar sarih a lang tawh a, Korean soloist zingah top 50-a kar sarih chhung lang thei hmasa ber a ni.