Feet 20-a sangin Shakira lim siam

Latin superstar Sharika chu an khuaah a lim, feet 20-a sanga siam niin, he lim hi Thawhlehni khan hawn a ni.

Shakira lim hi Colombia-a Barranquilla khuaah bronze hmanga siam a ni a, a hla hit 'Hips Don't Lie'-a a dance pose anga siamin, belly-dancing outfit haktir a ni. He lim hi sculptor Yino Marquez leha zirlaite an siam a ni a, a pianni leh a aw mawi tak fakna thu ziakte an dah tel bawk. Shakira pawhin a Instagram lamah thalakte hi a pho lang a ni.

Colombian pop star, Shakira hian kuminah Latin Grammy award pathum lain, a kawppui ṭhen tak Gerard Pique puala a phuah, Bizarrap nena an thawhdunna 'Bzrp Music Sessions, Vol 53' chuan YouTube-ah record a siam bawk. Spain-a chhiah awlrua puhna thubuai a neih chu USD mtd 7.5 chawiin a chingfel a, a fapa pahnihte nen Miami-ah an khawsa mek.

Barranquilla-ahhian kum 2006 khan Shakira lim hi an lo siam tawh bawk a, local soccer stadium luhna bulah dah niin, jeans leh boot nena inthuamin, acoustic guitar an perhtir a ni.