Music Domain Mizoram ( MDM )-in ṭanpuina hlan

Music Domain Mizoram (MDM) chuan December 23-a Charity concert an neih aṭanga an sum hmuhte chu December 31, 2023 tlai khan Samaritan Association for the Blind Mizoram hnenah an hlan. An sum hmuhte hi SDM SR Vice President Tea Boitlung-in a hlan a ni.

Programme hi Samaritan Association for the Blind President RK Vanlalringa'n a kaihruai a, MDM Sr Vice President Tea Boitlung leh General Secretaryb KLR Teta-ten thusaw an sawi. Samaritan Association for the Blind Mizoram school Principal-in an zirlaite leh an dinhmun report a pen bawk. An school hi kum 2001-a din niin, Class I - X thleng a awm a, zirlai 34 an nei mek. Zirlaite hi Mizoram chauh ni loin, Manipur, Myanmar leh a hmun dang aṭangtein an awm bawk.

He school aṭanga zir chhuak mi 14-te chuan sorkar hna neiin an chhungte pawh an chawm tawh a, MCS written exam paltlang, interview result nghak mek pakhat an nei bawk. Samaritan Association for the Blind Mizoram founder hi Suakliana niin, kum 93 mi a ni tawh a ni.