ISPL-a Kolkata team neitu Saif leh Kareena

Indian Street Premier League (ISPL) chuan Bollywood couple, Saif Ali Khan leh Kareen Kapoor Khan-te chu Kolkata team neitu an ni tih an puang.

ISPL hi T10 cricket tournament, stadium chhunga khelh tur a ni. March 6-15, 2024 chhungin Mumbai-ah an khel dawn a, team paruk an inel dawn a ni. Pataudi chhungkua hian he tournament-a tel tur, Kolkata team hi an lei a, team dang neitute pawh hi celebrity-te bawk niin Amitabh Bachchan (Mumbai), Akshay Kumar (Sringar), Hrithik Roshan (Bengaluru), Syriya (Chennai) leh Ram Charan (Hyderabad) te an ni. Saif leh Kareena chuan ISPL nena an thawkho tur chu an phur thu leh, Kolkata team an lei hian cricket an ngainatna leh, City of Joy an ngaihhlutzia a lantir tih an sawi a, an chhungkuaah Kolkata khawpui chuan hmun pawimawh tak a luah tih an sawi.