Marvel 'Thunderbolts' -ah Steven Yeun chang dawn lo

Steven Yeun chu Marvel Studios film, 'Thunderbolts' ah a chang leh dawn lo.

Marvel lam hian official-a an puang lo chungin nikum February thla khan Yeun leh Thunderbolts hi sawi zawm a lo ni tawh a ni. Mahse Hollywood actor leh writer-te nawrh huaihawt avangin Thunberbolts pawh hi an ruahman angin an kalpui thei lo a, July 2024-a tihchhuah tura an lo ruahman tawh chu July 2025-ah an sawn a, shooting pawh hi an la ṭan chiah lo.

Jake Schreier chu director a ni dawn a, Marvel antiheroes leh villains-ho lak khawm a tum nia sawi a ni. Yeun hian Robert Kirkman comic adaptation, 'Invincible'-ah a aw a lo thawh tawh a, 'The Walking Dead' ah changin hriat a hlawh chhohna pakhat a ni bawk. Netflix series, Beef a channa aṭangin Golden Globe for best male action in a limited series nomination a hmu bawk a ni.