Gaza War avangin Dua Lipa-i'n music video siam tum ṭhulh

Dua Lipa chuan big-budget music video a siam tur chu Gaza-a Israel-Palestine war thleng mek avangin a ṭhulh.

October 7-a Hamas-te'n Israel an beih hma khan kum 28 mi,'New Rules' hitmaker hian a a rukin a music video promo hi a lo shoot tawh a,he video-ah hian thil puak leh insual buai laite a dah tel. Mahse Hamas-te pawikhawihna avanga Gaza Strip-a indona nasa tak a chhuah zui tak avangin, Dua team-te chuan emergency meeting neiin, an video lo shoot tawh hi tunlai boruak nena ngaihtuahin a 'sensitive' dawn niin an ngai a, tihchhuah loh hi an rel leh ta a ni. An video shoot-na atan hian sum pawh an seng hnem hman hle nia sawi a ni bawk. Dua Lipa hian indona tuartu Israel leh Gaza mipuite a tawrhpui thu leh, mipuite tawrhna titawp tura inkahhai puang thuai tura a duh thute pawh a Instagram lamah a lo ziak lang tawh a ni.