UNICEF Honors Club member naupang ber Stray Kids Felix

Stray Kids member Felix chu UNICEF Honors Club zawmtu zinga naupang ber a ni.

January 4 khan Korean Committee for UNICEF chuan Felix hian an pawl tan won maktaduai 100 ($76,500) a thawh tih an sawi a, "Felix chu UNICEF Honors Club zawmtu zinga naupang ber leh, kum 2024-a a donation hmanga member join hmasa ber a ni. Mi harsa zawkte tana thilpek pek kawnga hmahruaitu a ni reng ṭhin," tiin an tarlang

Tun ṭuma a donation pek hi Laos rama naupang, tui thianghlim leh ei tur ṭha nei lote ṭanpuina atana a pek a ni. Felix chuan kawng hrang hrangin duhsakna a dawng ṭhin a, a malsawmna dawnte hmanga midangte tana luanchhuah chu a duh tih a sawi. Loas naupangte chuan kum tharah environment ṭha tak hnuaia hriselna ṭha tak an neih chhoh a beisei thu a sawi. Nikum March thla khan Felix hi donation a pek ṭhat avangin Save the Children's Honors Club member-ah ruat a lo ni tawh bawk.