Karan Johar film tharah Tiger Shroff leh Janhvi Kapoor

Karan Johar chuan a film siam tur, 'Deadly'-ah Tiger Shroff leh Janhvi Kapoor-te an chang dawn nia sawi a ni , Varun Dhawan chu misualpa a ni dawn bawk. Official erawh chuan a changtu turte hi an la puang lang lo a, Karan Johar chuan a hun an tih takah chanchin kimchang chu an la puang mai dawn tih a sawi.

Janhvi Kapoor hian kumina tihchhuah tur film pahnih, Hindi leh Telugu movie-ah contract a nei mek bawk. Official-a puan la ni lo mah se, Varun Dhawan nen hian 'Dulhania 3'-ah an chang dun dawn nia sawi a awm bawk a, an pahnih hian 2023 film,'Bawaal' ah an lo chang dun tawh a ni. Tiger Shroff hian Akshay Kumar nena an channa 'Bade Miyan Chote Miyan' tihchhuah hmabak a nei bawk.'Deadly' hi Raj Mehta-a'n a direct dawn a, scrip writer Anurag Kashuap niin, Karan Johar hian a produce dawn a ni.