Kelly Clarkson-i'n a fate social media hman a khap

'Kelly Clarkson Show' host, pop star ni bawk Kelly Clarkson chuan a fate a enkawlna kawngah dan khauh tak siamin, a bula an chen chhung chuan social media an khawih a khap.

Kum 41 mi, Clarkson hian a pasal hlui nen fa pahnih, River Rose (9) leh Remington Alexander (7) an nei a, a bulah an cheng a ni. Social media hman a khapsak chungchang chu naupangte khuahkhirhna nasa tak ang pawhin a lang thei tih a sawi a, mahse, a policy siamah inchhirna a neih loh thu leh, a fate pawh chiang taka a hrilh vek thu a sawi. A pasal nen an inṭhen hnua an fate enkawl dun pawh thil hautak leh harsa tak a ni tih sawiin, "Inneih lai pawhin background hran leh, fate enkawl leh zirtirna kawnga duh dan hrante a lo awm a, inṭhen hnuah in hrang ve ve aṭangaenkawl phei chu a hautak zual hle a ni," a ti.